મહેઁકે છે અંગ અંગ, (મુક્તક) - પરેશ કળસરિયા

પરેશ કળસરિયા

આ હાથનો કમાલ...!, (ગઝલ) - પરેશ કળસરિયા

આ હાથનો કમાલ
(ગઝલ)

આ હાથનો કમાલ, કોઈ પૂછશો નહિ !
તલવાર છે કે ઢાલ? કોઈ પૂછશો નહિ !

જેનાં ખયાલમાં ન રહ્યો કોઈનો ખયાલ,
કોનો હતો એ ખ્યાલ? કોઈ પૂછશો નહિ !

આવ્યો વિચાર શું કે મળી ને ઢળી નજર?
એ શર્મથી છે લાલ, કોઈ પૂછશો નહિ !

જે થઈ ગયું એ થઈ ગયું ભૂલી ગયો છું હું,
તો શું થયું'તું કાલ? કોઈ પૂછશો નહિ !

જેની દરેક પળ હતી વર્ષો સમાન, એ-
વિતાવ્યા કેમ સાલ? કોઈ પૂછશો નહિ !

- પરેશ કળસરિયા
E-Mail:
paresh_kalasariya@yahoo.com

અલ્પેશ કળસરિયા

મુશાયરો

પરેશ કળસરિયા

અલ્પેશ કળસરિયા

એમ કહાની ઘડીએ તો (ગઝલ) તું નટડી છે ને હું નટ છું એમ કહાની ઘડીએ તો... તું મેના ને હું પોપટ છું એમ કહાની ઘડીએ તો... મારામાં તું ઘાસ બનીને કોમળ કોમળ રંગો પૂર ! પથ્થર જેવો હું બરછટ છું એમ કહાની ઘડીએ તો... તારી છાતી ગજ-ગજ ફૂલે મારું હોવું સાર્થ બને, તારી અંદરનો હું વટ છું એમ કહાની ઘડીએ તો... મારામાંથી બીજ સ્વરૂપે હું જ પછી નીકળી જાઉં, હું જીવનનું ફળ પાકટ છું એમ કહાની ઘડીએ તો... જેનાં ઘરની બારી ખુલ્લી એનાં ઘરને ધન્ય કરું, પ્રેમ-અમીની હું વાછટ છું એમ કહાની ઘડીએ તો... તું મીરાં છે, તું રાધા છે, તું છે અલ્લડ ગોપી ને- નંદનો લાલો હું નટખટ છું એમ કહાની ઘડીએ તો... - અલ્પેશ કળસરિયા E-Mail: alpesh_kalasariya@yahoo.com